Sabide passade i agjents de Polizie di Stât a àn arestât in flagrance di reât trê personis rivadis di fûr regjon, considerâts i responsabii de fraude ai dams di une femine di 72 agns di S. Pieri . I poliziots de Scuadre mobile daspò vê intercetât une auto suspiete fûr di Udin a son lâts daûr dal mieç fintremai tal casel di Udin Sud, indulà che i trê delincuents a son stâts blocâts. Dentri de lôr auto, doi oms di 30 e 44 agns e une femine di 37 incinte a son stâts cjatâts cun desenis di zoiis che dentri al jere ancje la vere de vitime cun dentri scrit il non dal so om.
La puare femine e jere stade clamade al telefon di un che al veve contât di jessi un maressial dai carabinîrs che le veve convinçude a consegnâ aur e bêçs par salvâ une frutine che a jere stade cjapade sot de fie de siore.
Lis investigazions de Polizie e àn permetût di colegâ i trê a une fraude simil fate il dî prime a Flaiban, indulà che a jerin stâts puartâts vie bêçs e zoiis a une altre femine di 85 agns. I doi oms a son stâts puartats drets in preson a Udin, intant che la femine e je stade lassade libare par vie dal fat che e je incinte. Ducj e trê a son indagâts par ricetazion. (a.d.g.) – 03.03.2026
