56
I carabinîrs dal Nucli Operatîf e Radiomobile, adun cui coleghis de Compagnie di Cividât, a àn arestât cualchi zornade indaûr, doi fraudadôrs che a vevin a pene puartât vie zoiis a un om di 71 agns te citât ducâl.
I doi delincuents, di 18 e 19 agns, extra comunitaris che a rivavin de Campanie, a jerin jentrâts in azion cu la fraude dal carabinîr fals che e sta batint un pôc dut il teritori regjonâl.
I doi, in graciis dal intervent dai militârs pardabon svelt, a son stâts cjapâts cuant che a vevin ancjemò cun lôr il botin e a son stâts puartats drets inte preson di Udin indulà che a son a disposizion de autoritât judiziarie.
I carabinîrs a àn tornât indaûr daurman lis zoiis al proprietari. (a.d.g.) – 22.04.2026
