Cjapâts a Gurize doi marcjadants di oms

Doi citadins de Moldavie a son stâts arestâts a Gurize de Polizie di confin par vê cirût di fâ jentrâ in Italie in mût ilegâl cuatri citadins turcs.

Il fat al è sucedût ai 25 di Jugn cuant che i agjents a àn fermât par un control une machine che veve a pene passât il confin a S. Florean dal Cuei. Dentri di la dai doi moldâfs a àn cjatât i cuatri clandestins. Ae fin dai aciertaments i doi turcs a son stâts puartâts drets inte preson di Gurize par jessi a disposizion di judiçs. I cuatri turcs, che a àn dit di volê domandâ la protezion internazionâl, a son stâts puartâts intune struture di acet. (a.d.g.) – 09.07.2025