Cjapât un braconîr intant che al pescjave bisats

Une operazion fate adun di Cuarp forestâl regjonâl e Carabinîrs cuintri de pescje ilegâl di bisat, protet parcè che bestie simpri plui rare, e à permetût di cjapâ cu lis mans tal sac un braconîr, cjatât a pescje indulà che si cjatin i flums Cuar e Ausse, tal teritori dal comun di S. Zorç di Noiâr.

Il braconîr al è stât denunziât ae Procure de Republiche e la barcje e la robe doprade par cjapâ i bisats secuestrâts. I esemplârs di bisat che a jerin ancjemò vîfs a son stâts daurman liberâts sul puest. Al om a son rivadis multis par centenârs di euros pe violazion des normis penâls e aministrativis su la pescje. (a.d.g.) – 16.04.2026