Cjapât un altri fraudadôr de Polizie a Udin

Un talian di 30 agns al è stât arestât de Polizie di Stât dopo che al jere stât viodût intant che al lave fûr de abitazion di une siore di 88 agns. Ae vitime il delincuent, fasint finte di jessi un carabinîr, al veve fat crodi che cu la auto de femine e jere stade fate une rapine e che e al veve di controlâ dutis lis zoiis che la siore e veve in cjase. Il delincuent al veve puartât vie cussì une vore di zoiis tra golainis e aur.

I agjents de Polizie lu àn blocât a pene che al à metût pît fûr de abitazion e lu àn puartât dret in preson. (a.d.g.) – 19.03.2026