Un altri carabinîr fals che al cirive di fraudâ un vieli di 71 agns di Udin par fâsi dâ 1.750 euros in contants al è stât arestât daurman daspò che al jere jessût de abitazion de vitime.
A cjapâlu cu lis mans tal sac i agjents de Scuadre mobile de Cuesture di Udin che a stavin daûr dal delincuent daspò jessi stât viodût intal borc de stazion.
La vitime e jere stade clamade dal fraudadôr, che al veve dite di jessi un tenent dai carabinîrs e che a coventavin bêçs par discolpâsi parcè che al risultave jessi il proprietari di auto doprade par fâ une robarie intune buteghe dal oresin.
A pene metût fûr il pît de cjase il delincuent al è stât blocat cui bêçs inte sachete che a son stâts tornâts al vieli. Daspò de convalide dal arest al malvivent, che cumò al larà sot procès, al è stât dât l’ordin di fermâsi o tornâ a Udin par almancul trê agns. (a.d.g.) – 03.09.2026
