103
Incident stradâl vuê di matine a Basandiele di Cjampfuarmit, indulà che tor des 11.30, li de rotatorie tra vie Verdi e vie della Roggia une veture e je lade cuintri di un ciclist di 21 agns.
La dinamiche dal incident e je sot investigazion de Polizie locâl dal Comant Cjampfuarmit – Puçui: il zovin al è colât a tiere e al à vût bisugne dal jutori dai sanitaris dal 118 che lu àn puartât tal ospedâl di Udin. No si è fate nuie la femine di 48 agns ae vuide de auto che e stave lant bande Cjampfuarmit rivant di Udin. (a.d.g.) – 10.09.2025
