Cjapât par spaç di droghe un pakistan di 20 agns li dal Parco Moretti di Udin

La matine di miercus ai 13 di Març une patulie de Squadra Volante e à cjatât l’om circondât di zovins sot dai 18 agns. A pene che i zovins a àn viodût i agjents a son scjampâts intant che il pakistan si è sentât suntune bancjute lassant colâ alc par tiere. Sot de bancjute la Polizie e à cjatât plui o mancul 100 grams di hashish e 4 grams di cocaine. Intor l’om al veve ancjemò altre droghe e cussì al è stât daurman puartât vie par spaç di droghe ingriviât de vicinance di scuelis. Cumò si cjate inte preson di vie Spalato. (a.d.g.) – 19.03.2024