Fermât dai carabinîrs il rapinadôr che îr al veve puartât vie 600 euros in contants dal Spak Market di vie Colugna a Udin, menaçant cuntune pistole la femine ae casse. A son stâts ancje denunziâts altris cuatri zovins, che a son a vivi tra Udin e la provincie, che a son considerâts cjapâts dentri in cualchi maniere.
La rapine e jere stade fate cualchi sere indaûr di un zovin cu la muse taponade e che al jere scjampât daurman. I carabinîrs a vevin cjatât pôc lontan une borse cun dentri une pistole di chês che a fasin dome rumôr, un passemontagne, manecis e altri materiâl.
Il control des telecjamaris al à daspò permetût di scuvierzi cui che al jere il rapinadôr e i siei compliçs. Il zovin arestât al è stât puartât intune preson fûr de regjon e al è a disposizion de autoritât judiziarie. (a.d.g.) – 05.06.2026
