Cjapât il pirate che al à fat colâ un ciclist tal canâl a Bevaçane

No dome al veve pocât un zovin ciclist tant di fâlu lâ dret intal canâl, ma si jere fermât par tirâ vie la bici restade incjastrade sul denant de sô machine e al jere partît di corse.

Il pirate che îr al jere lât intor dal ciclist a Bevaçane al è stât cjapât a tim,p di record dai agjents de Polizie locâl di Lignan. Su la fonde de testemoneance di un testemoni a àn tacât daurman a controlâ i filmâts des telecjamaris e in pôc timp a àn scuviert il numar di targhe de auto dal incident e a cjatâ cussì’ cui che al jere il pirate.

Si trate di un om di 63 agns che al lavore a Lignan; la so machine e je stade secuestrade e cumò l’om al varà di rispuindi no dome pai dams dal incident, ma ancje pe acuse di omission di socors. (a.d.g.) – 09.09.2025