La Polizie di Pordenon e à eseguît une ordenance di custodie cautelâr in preson bande di un citadin albanês di 35 agns, in Italie no in regule e za cognossût des fuarcis dal ordin, par vie dai maltrataments in famee e pes pachis ae femine convivent, une zovine di 23 agns.
Lis investigazions de seconde sezion de scuadre di pront intervent, tacade dopo che une vore diu patuliis a vevin scugnût intervignî inte abitazion de cubie, e àn permetût di scuvierzi une schirie di violencis fisichis e psicologjichis fatis dal om cuintri de convivent. Tra chestis, la agression dai 30 di Lui, cuant che la zovine e domande jutori rivant a a scjampâ dal om, daspò vê cjapât pugns e jessi stade pacade cul mani de scove, tant di rompi il nâs de puarete.
La custodie cautelâr e je stade decidude par vie de gravitât e de ripetizion dal compuartament. (a.d.g.) – 29.08.2025
