72
Arestat dai carabinîrs dal Nucli operatîf e Radiomobile de Compagnie di Udin un om di 49 agns che al vîf in provincie di Gurize, dopo che dilunc un control a àn cjatât une vore di droghe.
Il fat al è sucedût a Remanzâs, indulà che une patulie dai militârs e à blocât une machine e a àn cjatât ben platats tal mieç cinc pacuts dal pês in dut di mieç chilo di hashish.
L’om al è stât arestât par detenzion di droghe e puartât dret inte preson di Udin a disposizion de autoritât judiziarie.
L’arest al è stât pussibil, a fasin savê i carabinîrs, in graciis de ativitât di control dal teritori, doprant une vore di oms, cul fin di dâ cuintri ae criminalitât e pe prevenzion des robariis. (a.d.g.) – 09.04.2026
