Al tiermin di une investigazion brilante fate da Carabinîrs di Puart, Il Pm Carmelo Barbaro de Procure di Pordenon al à disponût il fer di trê citadins albanês, classe 1987, 1992 e 1995, acusâts pal moment di 18 robariis finidis o tentâts in abitazion. Lis robariis a son sucedûts dai 31 di Otubar ai 15 di Novembar tra Puart, Concuardie Saggitarie, S. Michêl al Tiliment, Daçan, Cjons e Musile di Plâf.
Des percuisizions, a son vignûts fûr bêçs e zoiis ricognossûts des viotimesn des robaries, ma a son ancje altris elements a caric dai criminâi. Lis investigazions a àn permetût di capî che i trê oms a vivevin in maniere stabile tal forest e si movevin ogni tant in Italie al unic fin di robâ. Chest compuartament al à rindût ancjemò plui dificile la lôr individuazion.
I trê albanês a jerin sul pont di imbarcjâsi suntun svol diret in Albanie, puartant cun lôr il botin. Par chest la Procure di Pordenon e à decidût di mandâ fûr il proviodiment di fer, che al varà di jessi cumò valutât dal Gip. (ADG) – 18.11.2022
