Cjapade Oss che e veve robât il bancomat a un malât

Un pensionât di 63 agns di Tarcint, pôc dopo jessi tornât a cjase dal ospedâl di Udin, indulà che al jere stât ricoverât, al veve scuviert che dal so cont in bancje a mancjavin vot mil euros. Par chest al veve denunziât il fat ai carabinîrs de stazion locâl.
Nol è passât masse timp che i militârs, a àn scuviert che a tirâ vie bêçs dai sportei automatics cul bancomat dal siôr e jere une femine che e cirive di taponâ a voltis la muse.

Lis investigazions a son ladis indenant e il cercli si è strent intor di une femine di 53 agns, che e lavorave tal repart indulà che al jere stâr ricoverât l’om, tant che operadore socio-sanitarie.

La femine, che e je stade denunziade e à tornât daurman indaûr i bêçs al pensionât. (a.d.g.) – 23.062026