I Carabinîrs dal Nucli Operatîf e Radiomobil de Compagnie di Spilimberc a àn eseguît, intai dîs passâts, une ordenance di custodie cautelâr decidude dal Tribunâl di Udin cuintri di une femine udinese di 30 agns, tignude tant che responsabile di une schirie di robariis intes abitazion ai dams di anzians che a vivin bessôi, un che di chei daspò modât in rapine. La femine, cumò ai arescj domiciliârs, e varès agjît cuntune compliç, une femine di 53 agns di Udin, che e je stade denunziade.
I fats a rimontin ae matine dai 7 di Fevrâr, cuant che i carabinîrs a jerin intervignûts a Pinçan al Tiliment dopo che a jerin stâts cometûts, in secuence svelte, une robarie ai dams di une siore di 65 agns de zone, e dopo doi altris tentâts colps in abitazion, falîts dome pe impreviste tornade a cjase e de reazion imediade des dôs vitimis anzianis, in maniere rispetive di 87 e 95 agns. (ADG) – 7.10.2022
