Cjan sfulminât metint lis talpis suntun tombin a Udin

Un cjan al è restât sfulminât intant che al jere a spas cu la sô parone in vie Pelliccerie a Udin vuê tal dopomisdì. E je stade la siore che lu tignive pe cjavece a visâsi che il so cjan di 14 agns al veve alc che nol lave. E à provât a tirâlu vie, ma la besteute dopo ve tirât flât dôs voltis al è colât jù.

Sul puest a son rivâts i Vigjii dal fûc e personâl de Enel. Al somee che dai cablis a sedin restâts scuvierts forsit parcè che roseâts des pantianis e chest al varès causât la pierdite di energjie eletriche tal tombin di fier.

Si trate di un fat pardabon grâf, se dome si pense chein chel puest e cjamine une vore di int. (a.d.g.) – 12.02.2026