53
No si scoltaran plui i glons des cjampanis des glesiis di Udin vie pe gnot: dai 19 di Avrîl, tierce domenie di Pasche, al jentrarà in vigôr il decret gnûf firmât dal arcivescul, bonsignôr Riccardo Lamba, che al previôt la improibizion di sunâ tra lis nûf sot sere e lis siet di matine, cun ciertis ecezions leadis a tradizions che a van indenant di secui e a ricorencis liturgjichis particolârs.
Il proviodiment al è stât cjapât daspò dai aprofondiments fats cui organisims de arcidiocesi e su domande dai predis dal clericât udinês e al ordene i oraris, la durade dal sun e lis ecezions. L’obietîf al è chel di rivâ a conciliâ la tradizion eclesiâl cul contest sociâl e normatîf che al è mudât. (a.d.g.) – 16.04.2026
