Cjaldon african, temperaduris une vore altis tal fin de setemane

L’anticiclon african al sta sburtant bande de nestre regjon aiar une vore cjalt che al rive dal Sahara, ma no si sa ancjemò par trops dîs che chest cjaldon al podarà la indenant.

Lu à confermât Antonino Renda che al fâs lis previsions dal timp par Telefriuli e che al à visât che lis temperaduris, soredut tal fin de setemane a podaressin rivâ fintremai ai 37 grâts.

Intant e va ancje piês in France, indulà che za  vuê e je stade tocjade la temperadure di 37° inte capitâl, intant che lis previsions a fevelin di temperaduris che a podaressin lâ parsore dai 40°, segnant magari cussì no un altri record tignût cont de latitudin e de stagjon. (a.d.g.) – 19.06.2026