Il vandal che al sta fiscantlis machinis parcadis a Udin al continue a fâ dams e al somee che al vueli sfidâ citadins e fuarcis dal ordin. Ancje îr sot sere,in vie Prasinghel, une laterâl di vie Buttrio, il delincuent al à fiscât il veri daûr di une auto cuntun clap tirât di un rivât sui puest cuntune biciclete.
Il fat al è sucedût pôc dopo che al jere finît l’incuintri a Laipà che al jere dedicât propit ae emergjence pal vandalisim che e sta batint il cuartîr. I citadins a son simpri plui esasperâts e a domandin une zion plui fuarte par rivâ a cjapâ il malvivent e blocâ cussì la schirie di vandalisims. Dilunc dal incuintri a Laipà, l’assessôr ae Sigurece Rosi Toffano e il comandant de Polizie locâl di Udin a àn domandât di segnalâ daurman al ispetôr che al sta daûr a chest probleme fats o elements che a puedin judâ a blocâ i delincuents.
L’obietîf al è chel di rivâ a cjapâ cu lis mans tal sac il vandal che forsit al jere za stât fermât lunis passât in vie Buttrio e che, come che e mostrin i filmâts des telecjamaris di control, si vistis simpri cui stes vistîts e al dopre une biciclete cuasi dal sigûr robade. (a.d.g.) – 24.06.2026
