Citadins forescj dentri cjase, ma no declarâts, multe fuarte a Monfalcon

Cuatri citadins extracomunitaris a son stâts cjatâts a vivi intun apartament di Monfalcon cence che e fos nissune declarazion, dilunc di un control fat de Polizie locâl daspò di une segnalazion.

Il proprietari al risultave jessi vie di mês e dai aciertaments al è saltât fûr ancje che no jere stade presentade la declarazion di ospitalitât, obligatorie dentri des 48 oris, previodude de leç. I agjents a àn ancje scuviert che a jerin masse personis a pet dai limits permetûts des normis igjienichis – sanitariis. Al proprietari de cjase e je stade contestade une sanzion di 4.100 euros. (a.d.g.) – 18.03.2026