Citadinance onorarie ai pompîrs dal Comun di Premariâs

Il Comun di Premariâs al à dât îr di sere, ae fin dal Consei comunâl, la citadinance onorarie al Cuarp nazionâl dai Vigjii dal fûc, come at di ricognossince pal impegn e pes ricercjis ladis indenant par 23 dîs dai trê puars zovins puartâts vie e copâts de plene dal Nadison vinars ai 31 di Mai di chest an.

“O speri che come citadins onoraris di chest paîs – al à dit Michele De Sabbata, il sindic di Premariâs – o podês lâ indenant a ispirânus”.

Presints ae cerimonie di conferiment de citadinance onorarie, indulà che si sintive une fuarte comozion, il comandant regjonâl dai pompîrs Mauro Luongo e chel di Udin Giorgio Basile. (a.d.g.) – 26.09.2024