Il consei comunâl di Udin al à dit di “no” ae citadinance onorarie a Mike Maignan, il portîr dal Milan che sabide ai 20, tal Bluenergy Stadium, al jere stât ofindût di cualchi tifôs cun peraulis razistis: cinc di lôr a son stâts za individuâts e sanzionâts. La propueste e jere stade dal sindic Alberto Felice De Toni, daurman dopo la serade che e à puartât la citât di Udin a fâ il zîr dal mont par un episodi razist. La oposizion di centridiestre, in dissension, no à poiât la propueste, che e veve dibisugne di trê cuarts dai conseîrs. Invezit, dome 25 su 38 (3 no jerin) a àn votât a pro, cun 13 contraris, ven a stâi dute la oposizion in bloc. “Mi displâs – al è stât il coment dal sindic – che il centridiestre nol sedi stât de nestre bande in chest moment delicât. Si è pierdude la ocasion par dimostrâ che la nestre citât si distanzie in maniere nete di chel che al è sucedût. Invezit al è deventât un teme di scuintri politic”. (A.I.) – 30.01.2024
81
