Une schirie di controi, che a àn impegnât i carabinîrs di Triest tal fin de setemane, e à permetût di arestâ doi oms e une femine, di denunziâ altris doi e di segnalâ ae autoritât judiziarie altris cinc oms (doi talians, un turc, un pakistan e un egjizian.
La operazion fate par rinfuarcî la prevenzion e tignî sot control lis zonis plui a risi de citât a àn di fat permetût di arestâ un talian di 38 agns za judicât par vê batût i siei gjenitôrs vielis. Un altri talian di 46 agns, plui voltis condanât, al è stât arestât parcè che destinatari di un ordin di custodie cautelâr dopo che al veve plui voltis pacade la femine ancje in presince dal lôr frut.
Arestade ancje une citadine rumene di 33 agns, cjatade dentri di une coriere che e stave lant bande dal forest, che e jere stade condanade a 7 agns e 6 mês di preson dal tribunâl di Locri par rapine e robarie dentri des cjasis.
Denunziâts daspò un citadin kosovâr di 29 agns cjatât cuntun manganel, un talian di 20 agns e un senegalês di 21 che a vevin violât la improibizion di svicinâsi a Triest. (a.d.g.) – 25.08.2025
