Cerimonie a Glemone pes vitimis dal Covid

Vuê di matine a Glemone, te ocasion de zornade nazionâl a memorie des vitimis dal Covid19, a cinc agns de Pandemie, al è stât puartât un omaç floreâl denant dal monument in memorie des 60 personis copadis dal virus, che a rivavin di Bergamo e che a jerin stadis puartadis te citât furlane par jessi cremadis.

Cheste cerimonie si ten ogni an par cure de aministrazion comunâl – cu la presince dai rapresentants di cetantis associazions dal paîs – che e considere chel moment storic e sociâl, tra chei plui impuartants dopo dal taramot dal 1976. (a.d.g.) – 18.03.2025