No si fermin lis ricercjis di Cristian Casiar Molnar, il fantat rumen che ai 31 di Mai al è stât puartât vie des aghis dal Nadison in plene cu lis sôs amiis Patrizia Cormos e Bianca Doros, cjatadis muartis doi dîs dopo.
Vuê dopomisdì e je stade celebrade une cerimonie religjose cun rît ortodòs prime de sierade de cjase mortuorum dongje dal cimitieri di S. Vît a Udin, indulà che si cjatin lis dôs fantatis.
Dilunc dal Nadison intant si va indenant tal cirî il zovin: te sede de Crôs Rosse di Premariâs al è simpri in vore il cjamp base pal coordenament des ricercjis, cun otante di lôr, tra pompîrs e volontaris de Protezion civîl dal Friûl-Vignesie Julie e cul jutori di elicotars, barcjis e drons. La zone e je stade slargjade e cumò e rive fintremai li dal torint Tor e a son in azion ancje unitâts cui cjans. Sul puest al è rivât de Austrie, indulà che al vîf, ancje Radu, il fradi di Cristian. (a.d.g.) – 05.06.2024
