Un cassîr di 21 agns di Reane dal Roiâl al è stât denunziât dai carabinîrs di Felet par apropriazion no dovude. Daûr des acusis, il zovin al à varès metût intes sachetis sumis che a risultavin des restituzions e di rifusions dai prodots alimentârs di clients inesistents.
Il diretôr de cjadene di supermarcjâts al à segnalât lis iregolaritâts, sburtant i carabinîrs a inmaneâ vuaitis dentri de buteghe e tal parc, ancje doprant personâl in abit di civîl. Ae fin dal so turni li de casse, il dipendent al è stât fermât dai agjents che a àn confermât une schirie di restituzions o rifusions stranis di prodots alimentârs, dal valôr in dut di 850 euros.
Lis investigazions a vadin indenant par cuantificâ la pierdite totâl, fin cumò calcolade par plui o mancul 25.000 euros, e a verificâ la vere entitât des transazions iregolârs. (a.d.g.) – 26.01.2026
