Camion blocât, nol rispietave lis leçs sul traspuart di piçui di cjan

da Alessandro Di Giusto

Ae albe dal Prin di Avrîl, dongje dal casel di Vilès, i agjents de Polizie Stradâl di Gurize à an controlât un camion di nazionalitât ongjarese, vuidât di un ongjarês che al viazave intune cuntun talian, ducj i doi za cjamâts di precedents specifics in materie di maltrataments e trafic ilecit di animâi di compagnie. Dentri dal spazi di cjame a son stâts cjatâts 34 piçui di cjan di variis razis (cjan barbin, Bolpin di Pomeranie, Beolc dal Bernese, Shiba Inu), dentri di ancjetancj traspuartuts.

I aprofondîts aciertaments fats cul concors dal personâl veterinari de Aziende Sanitarie Universitarie dal Friûl Centrâl a àn evidenziât la corispondence e regolaritât dai dâts riferibii ae etât dai piçui e ae conformitât de documentazion che ju acompagnave, intant che a son stadis contestadis violazions in riferiment aes carateristichis dal veicul e aes cundizions di traspuart, cu la aplicazion di une sanzion par complessîfs 5.332 euros e il fer aministratîf dal veicul li che a jerin traspuartâts i piçui. (A.D.G.) – 03.04.2023

(Foto: Polizia stradale)

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui