Camion cuintri di un camper in autostrade, une femine di cundizions griviis

Al è sucedût un brut incident dilunc de Autostrade A4 tal trat tra Tisane e Puart bande Vignesie.

Tal teritori di S. Michêl un mieç pesant par vie dal bloc improvîs dai frenis si è zirât di bot al è lât a sbati intor di un camper che la stave rivant daûr. Cuatri lis personis feridis: i doi che a jerin dentri dal camion e i doi dentri dal camper, todescs cuntun cjanut. La femine e je restade blocade dentri dai lamarins. La feride e je stade liberade dai Vigjii dal fûc e curade sul puest dal personâl dal 118 par jessi daspò puartade cul elicotar tal ospedâl di Udin in cundizions griviis. Che altris ferîts a son stâts puartâts cu la ambulance tal ospedâl di Puart. La Polizie stradâl e fâs lis investigazions. (a.d.g.) – 22.10.2025