Moment dificil pal Seminari di Udin, indulà che e je stade scuvierte une buse di passe un milion di euros dal belanç. La Curie e à confermât che a stan investigant su lis iregolaritâts inte gjestion economiche passade tal Seminari “San Luigi Scrosoppi”.
I fats a son sucedûts tal periodi prime dal 2022 . Une investigazion interne e jere stade inviade ai timps dal arcivescul Andrea Bruno Mazzocato, ativitât che e je lade indenant cul arcivescul Riccardo Lamba. Cumò ducj i elements cjapâts sù a son stâts puartâts in Procure.
“O soi une vore displasût – al à dit bonsignôr Lamba – par cheste vicende dolorose e o ai fiducie intes investigazions che a stan fasint. Il seminari al ten un patrimoni di fede e storie, di lâ dai bens imobii e culturâi. O confidìn che cul jutori dal Signôr e di ducj chei cjapâts dentri, si puedin meti a puest lis iregolaritâts”. (a.d.g.) – 19.02.2026
