56
Cinc cadets de Academie militâr di Modena che si stavin adestrant tal poligon di tîr di Vivâr a son restâts ferîts daspò che une saete e je colade pôc lontan, dilunc il burlaç che si è scjadenât su la zone.
I cinc soldats si cjatavin te aree di adestrament cuant che une saete e je colade a pocje distance, tant che ju à invistûts in plen il fuart moviment di aiar gjenerât de scjarie eletriche.
Sul puest al è rivât daurman il personâl dal 118 adun cuntune ambulance militâr, l’elisocors e i Vigjii dal fûc. Nissun dai 5 zovins al sarès in pericul di vite, ma a son stâts puartats tal ospedâl di Pordenon par controlâ i traumis provocâts dal fuart moviment di aiar. (a.d.g.) – 14.07.2026
