44
A son ancjemò maglis di sanc sul marcjepît e su lis parêts des buteghis a testemoneâ la grande barufe che e je stade vie pe gnot tra lunis ai 13 e martars ai 14 di Lui dilunc viâl Europa Unita a Udin.
Su la fonde des testemoneancis di buteghîrs e int che e passave di chês bandis la barufe e sarès tacade in vie De Rubeis, par dopo lâ indenant dilunc viâl Europa Unita, indulà che doi oms si son pacâts e tirâts di dut, ancje butiliis di veri e altris ogjets.
Intant, vuê di matine la diretore di une bancje e à cjatât un veri anti sfondament fiscât. Sui fats e sta investigant la Polizie di Stât, ma no son mancjadis polemichis politichis sul probleme de sigurece in citât. (a.d.g.) – 15.07.2026
