Brut timp in Friûl, tancj i discomuts

Il brut timp che al è daûr a colpî il Friûl-Vignesie Julie al à provocât situazions di discomut inte matinade di vuê. Tra chestis, l’inagament dal soterani di une cjase a Çarvignan. I volontaris de Protezion Civîl de citadine a àn doprât lis pompis par diliberâ l’edifici de aghe.

I stes volontaris a son intervignûts ancje a Flumisel-Vile Visentine, in vie Sant Antonio, par distropâ un tombin risolvint cussì un probleme di inagament dal sotpàs. Domandis di jutori ancje par cjadudis di arbui su la sede stradâl.

Discomuts ancje su la trate feroviarie Vignesie-Triest, tra Monfalcon e la beorcje di Nabresine, cun ralentaments dai trens inte matinade dovûts al brut timp. (A.D.G.) – 05.06.2023