64
Un camion des scovacis al à pierdût il control e si è ribaltât vuê di matine dilunc de strade provinciâl 24 a S. Quarin. L’incident al è sucedût devant dal ristorant Stella, pôc prime de rotatorie cul Comun di Davian: il vuidadôr al à pierdût il control dal camion che si è ribaltât sul flanc di çampe cence cjapâ altris mieçs. Sul puest a son rivâts i sanitaris dal 118, i Vigjii dal fûc, i agjents de Polizie locâl di S. Quarin e i carabinîrs di Davian pai rilêfs e la gjestion dal trafic.
Par tirâ fûr il vuidadôr i pompîrs a àn scugnût taiâ il veri denant. L’om al è stât puartât vie cul elicotar bande dal ospedâl di Pordenon intant che i Vigjii dal fûc a tiravin sù il camion doprant dôs gruis. (a.d.g.) – 10.03.2025
