Brut incident tra doi camions su la Çumpiel – Secuals

Pôc prime dal misdì e mieç di vuê i Vigjii dal fûc di Spilimberc a son intervignûts, adun cun personâl sanitari e Carabinîrs, a S. Zorç da la Richinvelde, su la strade regjonâl 177 Çumpiel – Secuals par un brut scuintri frontâl tra doi camions.

Un dai doi autiscj al jere restat blocat dentri dai lamarins dal mieç e par chest pompîrs e infermîrs a àn lavorât a lunc par tirâlu fûr de cabine, par dopo cjamâlu sul elicotar che lu à puartât daurman tal ospedâl.

Chel altri autist invezit no si è fat nuie. La strade e je restade blocade fintremai cuant che i Vigji no la àn netade e metude in sigurece. (a.d.g.) – 09.07.2026