Brut incident sul lavôr a Grau, eletricist sfulminât intune centraline

Par vie di un cort circuit, un eletricist al è restât sfulminât intant che al lavorave dentri di une centraline tal Villaggio Punta Spin di Grau. L’om che al è restât simpri cussient al à patît ustions di secont grât tai braçs e soredut intes mans.

L’om al è stât socorût dal personâl dal 118 rivât ancje cul elisocors che lu à puartat daurman tal ospedâl di Cattinara a Triest, intant che sul puest a fasevin i aciertaments carabinîrs e personâl de Aziende sanitarie. (a.d.g.) – 29.04.2026