Dilunc de strade provinciâl 21 a S. Vît dal Tiliment, vuê tor des 2.30 dal dopomisdì in vie Pordenone, une auto vuidade di un om di 81 agns di Morsan da lis Ocjis si è dade dentri cuntun ciclomotôr cun parsore une siore di 88 agns di Vile di Flum.
A vê la piês e je stade la femine puartade daurman tal ospedâl di Udin cul elicotar in codiç ros daspò che e jere stade socorude dal personâl dal 118.
Sul puest i Vigjii dal fûc e i carabinîrs de stazion locâl pes investigazions. Il vuidadôr de auto al è risultât negatîf al alcul test. (a.d.g.) – 15.09.2026