Vuê tor des 2.45 di dopomisdì, i Vigjii dal fûc dal distacament di Sacîl a son intervignûts par liberà int restade blocade dentri de auto dopo di un brut scuintri. Il fat al è sucedût dilunc de strade provinciâl 35 indulà che dôs autos si son dadis cuintri e intune dôs feminis no podevin jessi fûr de lôr machine.
Doprant imprescj a pueste i pompîrs a àn taiât lis puartis e, adun cul personâl sanitari rivât daurman, a àn tirât fûr lis dôs feridis, puartadis di corse tal ospedâl. Ancje la femine che e jere ae vuide di chê altre auto e je stade puartade vie cu la ambulance.
Sul puest ancje i agjents de Polizie locâl che a àn gjestît il trafic intant che i pompîrs a metevin in sigurece la strade e i mieçs cjapâts dentri dal bot. (a.d.g.) – 13.05.2026
