Domenie prossime ai 29 di Març, stradis sieradis e citadins evacuâts a Lavorêt par fa sclopâ la bombe di avion de seconde vuere mondiâl, cjatade ai 26 di Fevrâr dentri dal aeropuart militâr di Davian.
La bombe e je za stade metude in sigurece e sarà fate sclopâ dentri di une aree cence cjasis.
E je previodude la evacuazion dai residents, in dut cualchi desene di personis, dentri di un rai di 685 metris, tacant des 6.30 di matine e fintremai ae fin des operazions che a varessin di jessi fatis intun pâr di oris. E je stade decidude ancje la sospension de circolazions stradâl intes areis cjapadis dentri, tra Davian e Lavorêt, tacant des 7.30 di matine. A saran ancje inmaneâts un Centri di coordenament dai socors e struturisi par da acet ai citadins evacuâts. (a.d.g.) – 26.03.2026
