La Vuardie di finance di Trevîs e à rivât a blocâ un trafic di cuintribant di alcul etilic che al jere spaçat par disinfetant e che, invezit, al vignive doprât in Campanie e Calabrie par fâ sgnapis, limoncello e altris licôrs.
Il trafic internazionâl di 120 mil litris al veve evadût tasis par 1,4 milions di euros al partive de Polonie e al jere puartat in Italie passant pai passaçs di confin di Triest, Gurize e Udin. La documentazion e mostrave che si tratave dal traspuart di alcul par disinfetâ, par cirî di scjampâ ai controi de Vuardie di Finance.
Il secuestri al è stât fat tal Fevrâr passât li dal casel autostradâl di Vignesie Est su la autostrade A4 e par chest trafic a son stâts denunziâts doi oms, un polac e un talian. (a.d.g.) – 05.05.2025
