Blocat daspò di un inseguiment un lari di bicicletis a Purcie

Cuant che i poliziots a àn viodût passâ a Purcie une machine, cence faris e cu la targhe platade, a àn tacât a cori daûr. La corse de auto si è fermade cuintri di une cente e dome in chel moment i agjents a  àn podût blocâ il vuidadôr, un om di 27 agns da Camerun. Dentri de machine a son stâts cjatadis cuatri bicicletis, un imprest par taiâ cjadenis e il nastri neri doprât par cuvierzi la targhe.

L’om, dopo jessi stât medicat tal ospedâl al è stât denunziât par resistence a public uficiâl, falsetât materiâl e puart no justificât di ogjets bon par robâ. Cetantis ancje lis multis par violazion dal Codiç de strade. (a.d.g.) – 11.07.2025