55
Vie pe gnot tra sabide e domenie un om forest, alterât par vie des droghis, al à cirût di robâ une auto parcade intune vie laterâl di viâl Trieste a Udin. Viodût che nol rivave al à tacat a tirâ pugns e pidadis altris trê mieçs parcats dongje fintremai cuant che a son rivâts i carabinîrs che lu àn cjapât e puartat in caserme indulà che lu àn identificât e denunziât a pît libar.
Nancje il timp di jessi fûr de caserme e l’om al à tornât a tacâ tirant claps cuintri des autos parcadis. I carabinîrs a son cussì intervignûts une altre volte, ma denant de menace cuntune butilie rote fate dal om e des pieris tiradis cuintri, i militârs a àn doprât il taser par fermâ il forest sfolmenât par dopo arestâlu. (a.d.g.) – 18.05.2026
