La Direzion distretuâl antimafie di Triest e à sierât lis investigazions suntune organizazion che e spaçave droghis in Friûl tra Udin e Pordenon, vuidade dal pakistan Arshad Khan di 33 agns e dal afghan di 27 agns Abdul Hallem che si cjatin cumò tes presons di Udin e di Padue.
Lis investigazions coordenadis dal public ministeri Maurizio Frezza de Procure di Triest e dal so coleghe Marco Panzeri de Procure di Udin a àn permetût di scuvierzi che i doi e jerin a cjâf di une organizazion cun dentri 16 personis, che e je stade buine di spaçâ dal Zenâr dal 2024 al Setembar dal 2025 almancul 32 chilis di cocaine e 640 chilis di altris droghis, rivant a dâ fûr mieç chilo di cocaine e tra i 10 e i 15 chilis di hashish tra Udin, il Friûl di mieç e Pordenon ogni setemane.
La ex caserme Cavarzerani a Udin jere un dai lûcs doprâts par dâ le droghe. (a.d.g.) – 04.02.2026
