Barufe tra vicins di cjase a Udin, intervent dai carabinîrs

A son coventadis trê patuliis dai Carabinîrs e une de Polizie par morestâ une barufe sclopade vuê di matine al numar 34 di vie Modica a Udin, indulà che si son dâts cuintri ancjemò une volte vicins di cjase.

Inte caserme dai carabinîrs a son stâts puartâts une femine polache e il so om.

A scjadenâ la barufe al somee che al sedi stât il fat che nol jere stât paiât l’afit. (a.d.g.) – 03.10.2025