59
Juste fûr dal auditorium Concordia di Pordenon vuê di matine une desene di students a àn tirât sù une barufe, ma cuant che a son rivâts i carabinîrs tor des 8.30, al jere za dut finît. A dâsi jù inte aree indulà che a passin centenârs di students bande des scuelis li dongje, secont i testemonis, une desene di fantats che si son cjapâts a pugns e a pidadis.
I carabinîrs a son stâts clamâts di un citadin che al passave di chês bandis e cumò a stan investigant par scuvierzi cui che al à cjapât part ae barufe, ma si trate dal enesim fat di violence che al cjape dentri i zovins in citât. (a.d.g.) – 30.01.2026
