I carabinîrs di Cividât a àn denunziât siet zovins extra comunitaris cu la acuse di vê partecipât a une barufe sucedude tai dîs passâts e par lesions personâls.
I carabinîrs di Cividât adun cui coleghis di Faedis a jerin intervignûts tal istitût indulà che e jere sclopade une barufe tra une desene di zovins, ma cuant che a son rivâts li de scuele a jerin ducj scjampâts. Dome doi di lôr a jerin stâts cjatâts cun feridis e a jerin stâts afidâts ai infermîrs.
Lis investigazions fatis tai dîs dopo a àn permetût di scuvierzi ducj chei che a vevin cjapât part ae barufe che a son stâts denunziâts.
Dongje de struture a son ancje stâts cjatâts ogjets doprâts dilunc de barufe: une stangje di alumini, bastons di len, un tondin di fier, un curtìs di cusine e une clâf inglese. (a.d.g.) – 08.06.2026
