Une barufe sclopade dentri cjase a Bicinins e je costade l’arest par resistence e violence cuintri di public uficiâl a un om di 30 agns.
Vie pe gnot passade i carabinîrs dal Nucli radiomobile de Compagnie di Palme, adun cui coleghis de stazion a jerin intervignûts par vie di un barufon tra chei che a jerin a stâ dentri di une cjase.
Cuant che a son rivâts, l’om di 30 agns che si viodeve al jere une vore rabiôs, si è dimostrât dal principi agressîf cui militârs, par dopo dâur cuintri tant che a àn scugnût clamâ il personâl sanitari par dâi un calmant. Daspò jessi stât puartât tal ospedâl par controi, l’om al è stât declarât in arest e controlât in spiete dal judizi par direte di vuê di matine.
I carabinîrs cjapâts dentri a àn vût bisugne di curis e a àn vût feridis che a vuariran in cualchi zornade. (a.d.g.) – 16.04.2026
