Barufe tra almancul 12 zovins e scurtissament in plen centri a Udin tor lis 9 di îr sore sere, sot dai voi maraveâts dai passants e dai gjestôrs dai locâi, in place Libertât, dulà che i carabinîrs de stazion di Udin Est e chei de Radiomobile a son intervignûts daurman cjatant fûr e arestant (ancje se si jerin slontanâts dal lûc dal avigniment) doi oms di 29 e di 25 agns ducj di origjin pakistane, puartâts dopo in preson a Udin.
Subite dopo la individuazion dai doi forescj, al è stât cjatât dai militârs, intun bar dal centri, un altri pakistan di 26 agns che al jere daûr a sanganâ par vie di une feride ae panze. L’om al è duncje stât traspuartât tal ospedâl di Udin dulà che si cjate in cundizions gravis.
E je cussì tacade la cjace al agressôr: in curt, in graciis di testemoneancis e dal control des imagjins furnidis dai sistemis di videocontrol dal centri citadin, i Carabinîrs a àn cjatât fûr e arestât par tentât omicidi un minôr ucrain compagnât intun centri di prin acet di Trevîs. Un curtìs, cjatât in possès dal fantat, al è stât metût sot secuestri. (a.d.g.) – 28.09.23
