Barufe dopo Monza-Udinese, arestâts ancje trê tifôs blancs e neris

da Alessandro Di Giusto

Trê tifôs dal Monza e trê de Udinês a son stâts arestâts de Polizie di Stât cu la acuse di barufe agravade, dopo dai scuintris cun lançs di butiliis, claps e altri, ae fin de partide di Serie A Monza-Udinese di vinars di sere.

Intant des barafusis, fûr dal U-Power Stadium di Monza, al è restât ferît un poliziot. I arescj a son stâts fats de Digos di Monza e Udin.

Lis investigazions de Digos di Monza, in colaborazion cun chê di Udin, a àn permetût di identificâ sîs tifôs coinvolts intai scuintris che a son stâts arestâts îr in flagrance di reât ‘ diferide’. I trê tifôs blancs e neris, un di 48, un di 42 e un di 22 agns, a vivin intal Friûl Ocidentâl, in provincie di Vignesie e a Udin. (A.D.G.) – 30.08.22

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui