Tal dopomisdì di îr doi oms a àn fiscât la barconete di une auto parcade in vie Leopardi, par puartâ vie ce che al jere dentri. I doi delincuents a àn doprât un clap, ma l’alarme dât sul moment al à permetût ai carabinîrs dal Nucli radiomobile dai carabinîrs di Udin e de stazion di Cjampfuarmit di rivâ in pôcs minûts sul puest.
Cuant che i doi che intant a cirivin di slontanâsi a àn cirût di scjampâ i carabinîrs i son corûts daûr e rivant a blocâ un zovin forest di 21 agns che al è a vivi a Udin che al à ancje dât cuintri durant l’arest. L’om al è stât denunziât par robarie ingriviade tentade e resistence a uficiâl public e al è stât puartât des cjamaris di sigurece dal Comant provinciâl dai carabinîrs in spiete di jessi judicât par diretissime. A vadin intant indenant lis investigazions par cjatâ il compliç. (a.d.g) – 25.06.2026
