Il Nucli operatîf e radiomobile dai carabinîrs di palme al à scuviert cui che a son i laris che tal passat 22 di Fevrâr a vevin fat robariis intes cjasis di Cjasteons di Muris e Tor di Zuin. In pocjis oris la bande e veve puartât vie bêçs par plui di dîs mil euros e une vore di robe di aur, scjampant dentri di une machine sportive.
E propit la machine, che i siei moviments a son stâts tornats a fâ su, e à permetût ai carabinîrs di cjatâ i delincuents, doi citadins albanês di 35 e 40 agns za cognossûts aes fuarcis dal ordin e un tierç che a stan cirint ancjemò di identificâlu. I trê e partivin de provincie di Milan doprant su la lôr machine targhis clonadis par no fassi scuvierzi.
Lis percuisizions a àn scuviert provis impuartantis tant che al è stât dât un mandât di arest par un dai doi, intant che chel altri al è za in preson. (a.d.g.) – 25.11.2025
